Wo Din Kuch Khaas Tha

-



18.07.2016
Chennai, India


07:00 a.m.

[Phone Rings]
Maa- "Ram Ram Ji Beta. Uth jaao."

Me- [Smile] "Okay Maa. Ram Ram Ji." 

Din ki shuruat itni achi hui thi. Maa ki awaaz sabse pehle kaano mein jo sunayi padhi thi. Us awaaz mein kuch toh alag tha. Bachpan se zaroor wo awaaz sunta aa rha tha, par aaj us awaaz ki kuch alag hi khoobsoorti si mehsoos ho rahi thi. Wo mere college ka pehle din tha. Wo meri hostel life ki pehli subah thi. Wo subah meri mere Maa-Paa ke bina pehli subah thi. Aaj bhi hum school jaise padhne ke hi liye yahan aaye the, lekin ghar waapsi dopahar ke 2 baje nahi, lekin 6 mahino baad honi thi. Maa ki us ek awaaz ki ehmiyat utni mehsoos hui jaise jeene ke liye oxygen.

Din ki shuruat ne mujhe mere Maa-Paa ki ehmiyat ka andaaza karwa diya tha.

Duniya mein chahe jitne gyani pandit aa jaaye, par apne dil ki awaaz jo kehti hai, wo kahin na kahin sach zaroor hota hai. Wo din zaroor kuch khaas hone wala tha. Bhale hi mera nahi, par mere dil ke bahut pass hone wala tha. 


08:00 a.m.
[Bell Rings]
College ki Shuruat

Class mein pahuncha toh Teacher ke naam ko Professor mein change kr diya gaya tha. School dress ab Casuals se replace ho gayi thi. Books ki jagah Photos hi hamare eklaute notes the. Naye dost sheher ki hi kisi aur colony se nahi, lekin India ke kone kone se aaye the. Naam ki jagah Register Number ab aapki pehchaan ban chuke the. Lunch time mein tiffin ki jagah mess jaana hota tha. Mess ka matlab khud mein hi bilkul sahi hai, 'a dirty or untidy state of thing or place'. Jab khana khane ki jagah ka hi aisa naam ho, toh wahan ka khana kaisa hoga khud hi socho.

 College ke pehle din ne mujhe school ki ehmiyat ka ehsaas karwa diya tha.

 Kya din chadha tha na? Pal-pal kisi na kisi cheez ki ehmiyat samajh aa rahi thi jiski aaj tak kadr nahi ki thi. 
05:00 p.m.

 Shaam dhalte-dhalte jahan waise toh dosto saath park mein khelne jaate  the, wahi park aaj ek bade ground mein tabdil ho chuka tha. Aaj yahan sabki apni hi team thi aur khelne ke sports bhi alag alag. Aaj na hi Aman ki fast bowling thi, na hi Sachin ki wo batting. Aaj toh anjaan dost the jinke saath khelne mein wo maza nahi tha. Aaj umpire apna nahi tha. Aaj wo padhos ki aunty ka ghar apna nahi tha, jahan roz kood koodkar hum apni bowl waapis laate the. Ye sab bhi badal chuka tha.

 Is pehli shaam ne mujhe mere wo saare dosto ki yaad dila di.

10:00 p.m.

 Raat ke khaane ke baad ab wakt waapis wahin jaane ka tha jahan se din ki shuruat hui thi- Maa-Paa. Toh phone ghumaya Maa ko. Wo time tab ka tha jab JIO nahi aaya tha. Isliye unlimited baate karna mumkin nahi tha. Isliye din ke 2 STD call hi apne ghar ko kr pata tha, wo bhi 5-5 minute ki hi. Raat toh maano apne saath din bhar ki yaaden chaand par saath lekar aayi ho. 

 Mujhe is pehli raat ne din ki ehmiyat karna sikha diya. Aur is din ne samay ki ehmiyat. Kyunki wo 5 minute ek call ke mere liye bade khaas the.

 Is tarah is ek din ne mujhe aajtak ki meri saari zaroori cheezo ki ehmiyat ka ehsaas kra diya. Ab is nayi zindagi ko jeene mein wo purani zindagi ka ek bada roleplay hona baaki tha. Isliye sb sochte sochte main agle din ke liye so gaya. 

 Isliye wo din sach mein mere liye kuch khaas tha.
Baat bs itni hai ki hamari zindagi mein kitna kuch hai jiski hme kadr nhi, kitna kuch hai jiski ehmiyat ka ehsaas nahi. Uska ehsaas hamesha tab hi kyu hota hai jab wo cheez hmse alag ya door ho jaaye??
'Isliye jo kuch aaj mein aur abhi mein mil rha hai, uski respect karo, usko poore dil se chaho, har pal ji bharke jeeyo. Kyunki kal, yahi pal yaade bankr waapis aate hai.'

Comments

Post a Comment

Popular posts from this blog

MY LOVELY SISTER!!!

-
Log kehte hai ki unki behen unki backbone hai.. main kehta hu meri behen meri sb kuch hai... backbone ka kya hai.. meri behen mere dil mein hai.. uski rakhi mere haatho mein hai maata pita ke saath saath uska aashirwad mere sir pe hai.. uski naadaani mere bhi khoon mein hai.. uski fikar krna meri soch mein hai.. uski mujhse aashaayen mere kandho pr hai.. uski yaade meri yaado mein hai.. kya hua agar wo mere pass nhi.. uski wo pyaari si shakal toh mere dil mein hai.. kya hua agar wo achi nhi dikhti.. uski khoobsoorti toh uske dil mein hai.. kya hua agar usse koi baat nhi krta.. sbse pyaari awaaz toh usi ki hai.. kya hua agar wo kuch bolti nhi.. sbse pyaari soch toh usi ki hai.. meri pyaari behen.. tere jaisa mera koi dost nhi.. tere jaisa mera koi maargdarshak nhi.. teri jaisi meri koi behen nhi.. aur tere jaisa bhi koi nhi.. bs yahi kaamna hai.. "ZINDAGI KA HAR PAL SUKH DE AAPKO, DIN KA HAR LAMHA KHUSHI DE AAPKO, JA...
Read more

What is Permanent?

-
I boast of my rich birth. I have been brought up with a silver spoon. I have a palace to live. I wander in luxury cars. I have hundreds of caretakers behind me. I buy branded products. I have a wealthy family. I travel in private jets. I can buy anything. SO ??? Is all this permanent? Will all this stay with me forever? Will I take any of these things with me on my death bed? For sure, the answer is NO . This is the problem with many of us in today's world. We tend to consider ourselves better than anyone else. We are boastful of our natural gifts. We ought to think that we have all the power. This problem is not only limited to those with a lot of money. This problem is also prevalent in those filled with attitude, those who consider themselves the boss of everyone. Even if they don't have anything, they just tend to show off like they have everything. These people are just like the bay-leaves in a biryani . They consider themselves as smart, but in reality, will alway...
Read more